Pərakəndə Biznes / Marja Ticarəti / Şöbə Müdiri

PAŞA Kapital yerli və beynəlxalq maliyyə bazarlarına geniş çıxış imkanları yaratmaqla tərəfdaşlarına ən yaxşı müştəri təcrübəsi təqdim edən ölkənin lider investisiya şirkətidir.

Marja Ticarəti üzrə Şöbə Müdiri investisiya şirkətinin fiziki şəxslər üçün təqdim etdiyi marja ticarəti məhsul və xidmətlərinin inkişafı, satışı və müştəri dəstəyinin effektiv idarə edilməsinə cavabdehdir. Vəzifə pərakəndə satış strategiyasının formalaşdırılması, müştəri bazasının genişləndirilməsi, komandanın idarə olunması və risk, komplayens tələblərinə uyğun fəaliyyətin təmin edilməsini əhatə edir.

Vəzifə öhdəlikləri:

• Marja ticarəti üzrə biznes strategiyasının hazırlanması və icrası
• Pərakəndə müştəri bazasının genişləndirilməsi və böyümə imkanlarının müəyyən edilməsi
• Komandaya rəhbərlik, mentorluq və motivasiyanın təmin edilməsi
• Fiziki şəxs müştərilərin cəlb edilməsi üzrə satış prosesinə və konversiya göstəricilərinə nəzarət
• Marja ticarəti məhsullarının inkişafı və tətbiqi üçün məhsul komandası ilə əməkdaşlıq
• Bazar trendlərinin və rəqib mühitinin təhlili
• Müştəri məmnuniyyətinin artırılması, sorğu və şikayətlərin operativ həlli
• Risklərin idarə edilməsi, ƏL/TMM (AML/CFT) tələblərinə və daxili prosedurlara əməl olunmasının təmin edilməsi
• Audit, komplayens və daxili nəzarət tələblərinə uyğun fəaliyyət

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.