Mühəndis-mexanik

“STP GLOBAL CABLE” MMC Texniki ximdət şöbəsi, Mexanika bölməsinə “Mühəndis-mexanik” vakansiyası elan edir.

“STP Global Cable” MMC, STP Şirkətlər Qrupunun nəzdində yaradılan Biznes vahidlərindən biri olub, tərkibinə Kabel və Elektrik Avadanlıqları zavodları daxildir. Həm məhsul çeşidliyinin çoxluğu, həm də həcm baxımından regionun ən iri kabel və elektrik avadanlıqları istehsalçısı olan şirkətimiz xarici bazar üzrə də önəmli müştəri bazasına malikdir. Şirkətin istehsal sahəsi ümumilikdə 7 hektardan çox qapalı ərazidən ibarətdir.

Özünə və peşəkarlığına güvənən, müvafiq sahədə təcrübəsi olan və tələblərə cavab verən namizədləri komandamıza qoşulmağa dəvət edirik.

Hansı işləri görəcəksiniz?

• Kabel istehsalı prosesində istifadə olunan avadanlıqların (ekstruderlər, burucu maşınlar, sarıyıcılar, çəkici qurğular və digər istehsal avadanlıqları) texniki vəziyyətinə daimi nəzarəti həyata keçirmək və etibarlı istismarını təmin etmək;
• Avadanlıqlar üzrə planlı profilaktik xidmət, diaqnostika və cari təmir işlərinin təşkilini və icrasına nəzarəti təmin etmək;
• Mexaniki nasazlıqların kök səbəblərini (Root Cause Analysis) müəyyən etmək, təhlil etmək və təkrarlanmasının qarşısını almaq üçün düzəldici və qabaqlayıcı tədbirlər hazırlamaq;
• Avadanlıqların dayanma müddətlərinin minimuma endirilməsi məqsədilə texniki problemlərin operativ həllini təmin etmək;
• Ehtiyat hissələri, sərf materialları və texniki ləvazimatlara olan tələbatı müəyyən etmək, satınalma prosesində texniki dəstək göstərmək və sifarişlərin hazırlanmasında iştirak etmək;
• Yeni avadanlıqların quraşdırılması, sazlanması, sınaqdan keçirilməsi və istismara verilməsi proseslərində iştirak etmək, texniki qəbul işlərini həyata keçirmək;
• Təmir, texniki xidmət və modernizasiya işləri üzrə texniki sənədlərin, aktların, hesabatların və avadanlıq tarixçələrinin hazırlanmasını və düzgün uçotunu təmin etmək;
• İstehsalat sahəsində əməyin mühafizəsi, sənaye təhlükəsizliyi və texniki təhlükəsizlik qaydalarına riayət olunmasına nəzarət etmək;
• Avadanlıqların məhsuldarlığının, etibarlılığının və enerji səmərəliliyinin artırılması istiqamətində təkliflər hazırlamaq və tətbiqində iştirak etmək.

Nə əldə edəcəksiniz?

• Ölkənin ən böyük sənaye müəssisəsində işləmək imkanı;
• Adekvat əmək haqqı;
• Təlim və inkişaf məsələlərində şirkətin tam dəstəyi.

Əlavə məlumatlar:

• Əmək haqqı şirkət daxili mövcud dərəcələndirmə sistemi çərçivəsində təyin edilir;
• Şirkət tərəfindən naharla, nəqliyyatla (servis) təmin edilmə;
• İş vaxtı: Bazar ertəsi - Cümə, 08:00 – 17:00;
• İş yeri Sumqayıt şəhəri, H.Z.Tağıyev qəsəbəsində yerləşir.

Göstərilən tələblərə cavab verən namizədlərdən CV-lərini mövzu yerinə “Mühəndis-mexanik” yazaraq Müraciət et düyməsində qeyd olunan elektron poçt ünvanına və eyni zamanda https://stpcareer.com səhifəsinə daxil olmaqla göndərilməsi xahiş olunur.