Çin dili üzrə tərcüməçi

Bakı Metropoliteni olaraq peşəkar komandamıza qoşulmaq üçün çin dili üzrə tərcüməçi axtarırıq! 

Namizəd çin dili üzrə yazılı və şifahi tərcümələrin təmin olunması, Çindən idxal olunan avadanlıqların texniki pasportları və servis/istismar sənədlərinin dəqiq tərcüməsi, eləcə də Çinli tərəfdaşlarla işgüzar ünsiyyətin effektiv qurulmasında əsas rol oynayacaq.

Sizi hansı öhdəliklər gözləyir?

• Çin dili ilə bağlı yazılı və şifahi tərcümələrin həyata keçirilməsi (texniki görüşlər, istehsalat sahəsi üzrə müzakirələr, təlimatlar və təqdimatlar)
• Çin dilində olan texniki sənədlərin, təlimatların,avadanlıq/cihaz texniki pasportlarının və məktublaşmaların Azərbaycan dilinə dəqiq tərcümə edilməsi; 
• Çindən gətirilən avadanlıqların texniki pasportlarının, istismar və servis təlimatlarının oxunması, düzgün anlaşılması və texniki heyət üçün praktik istifadəyə uyğun şəkildə tərcümə edilməsi (qulluq, sazlama, servis işləri zamanı); 
• Çinli mütəxəssislər və tərəfdaşlarla keçirilən görüşlərdə ardıcıl tərcümənin təmin olunması, kommunikasiya prosesinin koordinasiyası; 
• Texniki heyətin ehtiyacı olduqda təlimatlandırma və məlumatlandırma işlərində dil dəstəyinin göstərilməsi; 
• Tərcümə edilən materialların məxfilik tələblərinə uyğun saxlanılması və sənəd dövriyyəsi qaydalarına riayət edilməsi. 

Metropoliten Sizə nə təklif edir?

• Sabit və etibarlı iş mühiti;
• Peşəkar komandada inkişaf və karyera imkanları;
• Metropolitendən ödənişsiz istifadə imkanı;
• Güzəştli nahar təminatı;
• Bilgəh Sağlamlıq Mərkəzi və əməkdaşlıq etdiyimiz sanatoriyalarda güzəştli istirahət imkanı;
• Psixoloji dəstək xidməti.

Müraciət Üçün

Vakansiyaya müraciət etmək üçün Metropolitenin hr.metro.gov.az portalında qeydiyyatdan keçərək müvafiq vakansiya linki ilə (https://hr.metro.gov.az/vacancy/5422) müraciətinizi tamamlaya bilərsiniz.

Uğurlar!