Sistem administratoru

“ATL Tech” olaraq zəng mərkəzi üzrə proqram təminatlarının stabil və səmərəli fəaliyyətini təmin etmək məqsədilə, server infrastrukturunun və proqram təminatı mühitlərinin (development/ production) idarə olunması üzrə minimum 3 il müddətində təcrübəyə malik “Sistem Administratoru” axtarışındayıq. Namizəd proqram təminatı mühəndisləri ilə sıx əməkdaşlıq edərək, proqram təminatlarının quraşdırılması, monitorinqi və optimallaşdırılmasında cavabdeh olacaqdır.

Vəzifə öhdəlikləri:

• VMware platforması üzərində Linux əsaslı development (inkişaf), staging (sınaq) və production (istismar) mühitlərinin qurulması, miqyaslandırılması və idarə edilməsi;
• Proqram təminatı mühəndisləri ilə əməkdaşlıq zamanı texniki əlaqələndirici rolun icra edilməsi;
• Tətbiqlərin yerləşdirilməsi (deployment), mühitlərin uyğunlaşdırılması və problemlərin aradan qaldırılmasında iştirak edilməsi;
• Sistemlərin və call-center platformalarının vəziyyətini izləmək üçün monitorinq həllərinin (Zabbix) tətbiqi və idarə olunması;
• Canlı mühitdə yaranan insidentlərin əsas səbəblərinin araşdırılması (RCA);
• Server loglarının analizi və qarşılaşılan problemlərin həllinə dəstək verilməsi;
• VoIP xidmətlərinin infrastrukturuna dəstək göstərilməsi;
• Əməliyyat sisteminin real-vaxt səs protokolları (SIP/RTP) üçün optimallaşdırılması;
• Gündəlik işlərin və ehtiyat nüsxələmə (backup) proseslərinin avtomatlaşdırılması üçün skriptlərin (Bash, Python) yazılması.

Qeyd: Vakansiya üzrə yalnız ilkin seçim mərhələsi üzrə uyğun görülən namizədlərlərin dəyərləndirilməsi həyata keçiriləcəkdir.

Müraciətlərinizi mövzu hissəsində "Sistem administratoru" qeyd olunmaqla Müraciət et düyməsində qeyd olunan elektron ünvanına yönləndirə bilərsiniz.