Risklərin İdarəolunması departamentinin rəhbəri

“PAŞA Sığorta” ASC namizədləri Risklərin İdarəolunması Departamentində Risklərin İdarəolunması departamentinin rəhbəri vəzifəsinə müraciət etməklə peşəkar komandanın üzvü olmağa dəvət edir.

Vəzifə və Öhdəliklər:

• Risklərin idarə edilməsi strategiyası və siyasətinə riayət edilməsinin monitorinqini aparmaq və kənarlaşmalar barədə hesabatı Risklərin İdarəetmə Komitəsinə və İdarə Heyətinə təqdim etmək;
• Risklərin idarə edilməsi ilə bağlı metodologiyaların hazırlamasını və metodologiyaların müntəzəm yeniləməsini təşkil etmək;
• Cəmiyyətin aidiyyəti struktur bölmələri və birgə fəaliyyət növləri üzrə risk limitlərinin hesablanması və onlara dəyişikliklərin edilməsi barədə Risklərin İdarəetmə Komitəsinə və İdarə Heyətinə təkliflər vermək;
• Müntəzəm olaraq yeni riskləri aşkarlamaq, yeni biznes proseslərdə olan risklərin qeydiyyatını aparmaq, bu biznes proseslərə uyğun olan riskləri müəyyənləşdirmək və risk reyestrində uyğun dəyişikliklər etmək;
• Risk limitlərinə riayət olunmasına daimi nəzarəti həyata keçirmək və pozuntular barədə dərhal Risklərin İdarəetmə Komitəsinə məlumat vermək;
• Risklərin müəyyənləşdirilməsi və qiymətləndirilməsi üzrə metodların və modellərin seçilməsi və tətbiqi üzrə işləri həyata keçirmək;
• Risklərin qiymətləndirilməsi və  nəticələri barədə hesabatı İdarə Heyəti, Risklərin İdarəetmə Komitəsi və Direktorlar Şurasına təqdim etmək;
• Risklərin tanınması və idarə edilməsi baxımından şirkətin fəaliyyətini əhatə edən bütün proseslərə, yeni məhsul və xidmətlərə dair rəy vermək;
• Aidiyyatı struktur bölmələri ilə birgə illik qlobal həssaslıq (stress) testləri həyata keçirmək və gözlənilməz risklərin azaldılması ilə bağlı tədbirlər planının hazırlanmasında risk sahiblərinə dəstək göstərmək;
• Risklərin idarə edilməsi prosesinə adekvat və səmərəli nəzarət prosedurlarının müəyyən olunması və təkmilləşdirilməsinə dair təklifləri Risklərin İdarəetmə Komitəsinə təqdim etmək;
• Risklərin qiymətləndirilməsi məqsədi ilə mühüm risk indikatorlarını (MRİ) və digər risk ölçülərini təyin etmək və hesablamaq;
• Risk iştahasının hazırlanmasında iştirak etmək və risk iştahası bəyənnaməsini lazım olduqda yeniləmək;
• Risklərin qiymətləndirilməsi və idarə edilməsi məqsədi ilə Cəmiyyətin digər departamentlərindən, elektron informasiya sistemlərindən, eləcə də xarici mənbələrdən alınmış məlumatları təhlil etmək;
• Riskləri müntəzəm qiymətləndirmək və onlar üçün müvafiq nəzarət mexanizmlərinin aktual qalmasını təmin etmək;
• Risk məsələləri ilə bağlı şirkətin digər departamentlərinə məsləhətlər vermək və metodoloji yardım göstərmək;
• Şirkətin aidiyyatı struktur bölmələri ilə birgə fövqəladə hallar planı hazırlamaq və Risklərin İdarəetmə Komitəsi və İdarə Heyətinə təqdim etmək;
• Daxili Audit Xidməti ilə mütəmadi olaraq şirkətin risklərinin qiymətləndirilməsi üzrə hesabatı bölüşmək;
• Müstəqil auditin, xarici reytinq agentliklərinin və səlahiyyətli dövlət orqanlarının risklərlə bağlı sorğularını İdarə Heyəti ilə razılaşdırdıqdan sonra cavablandırmaq;
• Risklərin idarə edilməsi üzrə Cəmiyyətin daxili qaydaları, habelə onlara dəyişiklikləri hazırlamaq;
• Departamentin əməkdaşlarının fəaliyyətinin nəticələrini qiymətləndirmək.

Zəhmət olmasa, müraciət etdiyiniz vəzifənin adını “mövzu” bölməsində qeyd etməklə CV-nizi Müraciət et düyməsində qeyd olunan link ünvanına göndərin.