Rövşənoğlu Holding 2017-ci ildə Azərbaycan Respublikasının Şəmkir rayonunda təsis edilmişdir. Şirkət ilk fəaliyyətinə kənd təsərrüfatı üçün bitki dərmanlarının satışı ilə başlamış və qısa müddətdə Şəmkirin bir neçə kəndində yeni satış məntəqələri açaraq fəaliyyətini genişləndirmişdir.

2020-ci ildən etibarən holdinq kənd təsərrüfatı sahəsində daha böyük layihələrə imza atmışdır.

Bu illərdə:

Rövşənoğlu Tarla MMC – 150 hektarlıq ərazidə açıq sahə məhsulları istehsalı,

Rövşənoğlu Bağları MMC – 10 hektarlıq bağ ərazisində meyvəçilik təsərrüfatı,

Rövşənoğlu Agro MMC – bitki dərmanları və gübrələrin topdan satışı üzrə ixtisaslaşmış şirkət təsis olunmuşdur.

Eyni zamanda, bu dövrdə holdinq beynəlxalq əməkdaşlıqlara da imza atmışdır. Türkiyənin kənd təsərrüfatı sahəsində aparıcı şirkətlərindən Feras Kimya Zirai İlaç TARIM HAYVANAK İÇ VE DIŞ TİC. LTD. ŞTİ. və qlobal gübrə istehsalçısı Yara ilə rəsmi distribyutorluq əldə olunmuşdur.

2022-ci ildə fəaliyyət dairəsi daha da genişlənmiş və holdinqin tərkibinə müxtəlif sahələrdə yeni şirkətlər daxil olmuşdur:

Luxoil Group MMC – yanacaqdoldurma məntəqələri şəbəkəsi,

Rövşənoğlu İnşaat MMC – tikinti materiallarının satışı və tikinti xidmətləri,

Rövşənoğlu İstilikxana MMC – istixana məhsullarının istehsalı,

Rövşənoğlu Plast MMC – suvarma sistemləri, polietilen üzlüklər və fitinqlərin topdan və pərakəndə satışı.

Həmin ildən etibarən Türkiyənin kənd təsərrüfatı bazarında ən böyük şirkətlərdən biri olan Agronext Kimya İÇ VE DIŞ TİC. LTD. ŞTİ. ilə, həmçinin Multi Tohum Tarım SAN. TİC. A.Ş. şirkəti ilə rəsmi distribyutorluq müqavilələri imzalanmış, eyni zamanda, SETO Plant Nutrients şirkəti ilə də rəsmi distribyutorluq əldə olunmuşdur bunun əsasında Rövşənoğlu Toxumçu MMC fəaliyyətə başlamışdır. Şirkət meyvə, tərəvəz və bitki toxumlarının həm topdan, həm də pərakəndə satışını həyata keçirir.

2023-cü ildə holdinq xidmət və sənaye sahələrinə də daxil olmuşdur:

Gold Palace Şadlıq Sarayı MMC – tədbir və şadlıq xidmətləri,

Oscar Az Sement Zavodu MMC – sement istehsalı.

2025-ci ildə isə Luks Market fəaliyyətə başlamışdır. Şəmkir rayonunda yerləşən bu iri anbar və satış məntəqəsi həm topdan, həm də pərakəndə ticarəti həyata keçirir.

Bu gün Rövşənoğlu Holding

Hazırda Rövşənoğlu Holding kənd təsərrüfatı, kimya, inşaat, enerji, sənaye və xidmət sahələrində çoxşaxəli fəaliyyəti ilə Azərbaycanın aparıcı holdinqlərindən biridir.

Şirkətin əsas prinsipi hər zaman olduğu kimi etibar, keyfiyyət və inkişaf dəyərləri üzərində qurulub.

Tamashaee Foods

Вакансии