Azərlotereya Açıq Səhmdar Cəmiyyəti Azərbaycan Respublikası Prezidentinin 23 noyabr 2001-ci il tarixli, 599 saylı fərmanına əsasən, Azərbaycan Respublikasında lotereya fəaliyyətini təkmilləşdirmək, vətəndaşların hüquqları və qanunu mənafelərinin qorunmasını ardıcıl təmin etmək, lotereyanın keçirilməsindən dövlət büdcəsinə daxil olmaların artırılmasına və lotereya fəaliyyəti sahəsində dövlət nəzarətini daha da gücləndirmək məqsədi ilə yaradılıb.

Fərmana əsasən Azərbaycan Respublikasının ərazisində bütün növ lotereyaların (məhsul satışı və xidmətlərin göstərilməsi ilə keçirilən lotereyalar istisna olmaqla) buraxılması, təşkili və keçirilməsi fəaliyyətini Azərlotereya həyata keçirir. Lotereyanın buraxılmasına, təşkilinə və keçirilməsinə dövlət nəzarətini isə Azərbaycan Respublikasının İqtisadiyyat Nazirliyi həyata keçirir.

2021-ci ilin sonunda “Bədən tərbiyəsi və idman haqqında” Azərbaycan Respublikasının Qanununa dəyişikliklər edildikdən sonra, 2022-ci ildən etibarən Azərlotereya ölkə ərazisində qanuni fəaliyyət göstərən iki idman mərc operatorunden biri kimi fəaliyyətə başlayıb.

Azərlotereya fəaliyyətini beynəlxalq standartlara uyğun şəkildə qurur. Bu məqsədlə şirkət 23.06.2022-ci ildə Dünya Lotereyalar Assosiasiyasının üzvü olması şirkətin lotereyaların və idman mərc oyunlarının təşkilində ən son texnoloji yenilikləri həyata keçirməsinin (o cümlədən, misli.az virtual oyun platformasının qurulması və virtual lotereyaların təşkili), oyun proqramlaşdırılması, məhsulun idarə edilməsində şəffaflığın qorunması, məlumat təhlükəsizliyi, müştəri məlumatlarının qorunması və inteqrasiya edilmiş idarəetmə sistemləri kimi məsələlərə ciddi yanaşmasının nəticəsidir.

Azərlotereya yeni iş imkanlarının yaradılması vasitəsilə, həm də ölkənin ən böyük vergi ödəyicilərindən biri kimi ölkə iqtisadiyyatına böyük töhfə verir. Bununla yanaşı, Azərlotereya gəlirindən dövlət büdcəsinə dividendlər ödəməklə və qanunvericiliyə uyğun olaraq idmanın inkişafına ayrılan maliyyə vəsaitləri ilə idmanın inkişafını və sosial layihələri dəstəkləmək üçün önəmli miqdarda resurs yaradır.

Azərlotereya vergilər və dövlət büdcəsinə edilən digər ödəmələrdən əlavə, öz gəlirindən Xeyirli İşlərə - Korporativ Sosial Məsuliyyət çərçivəsində vətənpərvərlik, təhsil, idman, mədəniyyət, ekologiya və innovasiyalar istiqamətlərində mühüm layihələrə resurs ayıraraq dəstək göstərir.

Safir Group

Вакансии