Kontakt Home

Hər bir böyük biznes hekayəsi kimi bizim hekayəmiz də müştəridən, yəni səndən başlayır. Sənin istək və ehtiyacların bizim üçün çox vacibdir. Əsas məqsədimiz ən yaxşı xidmət göstərməklə səni sevindirmək və büdcənə, istəyinə uyğun, düzgün məhsul seçimi etməkdə sənə yardımçı olmaqdır. “Kontakt – Sevindirir” ifadəsini də məhz bunun üçün özümüzə sloqan olaraq seçmişik. Rəqəmsal və məişət texnikası, mebel və tekstil satışı üzrə ölkənin ən böyük mağazalar şəbəkəsindən biri kimi səni sevindirmək üçün nələr edirik? Sevilən brendləri sənə daha yaxın gətiririk: Biz Samsung, LG, Bosch, Huawei, Realme, Sony, Panasonic, BQ, Sonorous, Elari, Thomas, Beurer, Black & Olufsen, Karcher, H Gala, Cassore, Simge mobilya kimi 30-dan çox beynəlxalq brendin rəsmi distribütoru, Dyson, Toshiba, Electrolux, WAHL, Black&Decker, Hoffmann kimi beynəlxalq brendlərin Azərbaycanda eksklüziv distribütoru, Apple brendinin isə rəsmi satış mərkəziyik. Brend portfoliomuz durmadan böyüyür, odur ki, sevdiyin dünya brendlərinin məhsullarını rahatlıqla Kontakt Home mağazalarından əldə edə bilərsən. Axtardığın hər şeyi bir məkana toplamışıq: iş, dərs, ev, əyləncə və istirahət üçün arzuladığın məhsulların çox geniş çeşidini eyni məkanda – “Kontakt Home” mağazalarımızda tapa bilərsən. “Kontakt Smart” konsept mağazalarımızda isə rəqəmsal texnikanın geniş çeşidi təqdim olunub. Rahatlığın üçün mağazalarımızın yerini sənə ən rahat ünvanlarda seçmişik. Ünvanlarla buradan tanış ol: https://kontakt.az/magazalar/ Sərfəli təkliflər ilə üzünü güldürürük: İstər nağd, istərsə də hissəli alış şərtlərini uyğun etməklə, istədiyin məhsulları daha rahat əldə əldə etməyinə şərait yaradırıq. “Axşam bazarı”, “Şeş Qoşa”, “Fərqin 120%-ni geri al” kimi kampaniyalar isə artıq hamının ən sevimli kampaniyalarına çevrilib. Sənin məmnunluğun üçün əlavə xidmətlər təklif edirik: Məhsullarımıza 3 ilədək rəsmi zəmanət təqdim edirik. Bütün zəmanət müddətində məhsulla bağlı hər hansı çətinliyin yaranarsa, partnyor servis mərkəzləri ilə çətinliyini qısa müddətdə aradan qaldırırıq. Bundan başqa, rahatlığını düşünərək məhsulun təmirdə olduğu müddətdə sənə əvəzləyici məhsul təklif edirik. İşdir, məhsulunun təmiri partnyor servis mərkəzlərində 14 gün ərzində yekunlaşmazsa, biz o məhsulu sənin üçün tamamilə yenisi ilə əvəz edəcəyik. Bəli, bu qədər iddialıyıq. Sosial öhdəliyimizi yerinə yetiririk: Həyata keçirdiyimiz və dəstək olduğumuz sosial məsuliyyət layihələri ilə cəmiyyətdə yeni müsbət dəyərlər yaratmağa çalışırıq. Həmişə əlçatanıq: Sənə bir zəng qədər yaxınıq. *6060 Çağrı Mərkəzinə zəng edərək məhsul və xidmətlərimizlə bağlı bütün suallarını ünvanlaya bilərsən. Bizi həmçinin sosial şəbəkələrdə də asanlıqla tapa bilərsən. Tariximiz Kiçik mağazadan ölkənin ən böyük riteyl şəbəkələrindən birinə çevrildik. İlk gündən bu yana inkişaf tempimiz sürətlə artdı. Məqsədimiz həmişə artan məhsul və xidmətlərimizlə sənə daha çox sevinc yaşatmaqdır. 2006-cı ildə mobil telefon, aksessuar və mobil nömrələrin satışını həyata keçirən ilk kiçik mağaza ilə fəaliyyətə başladıq. Eyni ildə daha 3 mağazamızı istifadəyə verdik. İlk mağazalarımızın adı “Kontakt Mobile” idi. 2010-cu ildə təklif etdiyimiz məhsulların sırasına kompüter və fotoaparat kateqoriyalarını əlavə etdik, həmçinin xidmət sahəsini bir qədər genişləndirdik. 2011-ci ildə məhsul kateqoriyaları siyahısına məişət texnikası əlavə olundu. Mağazalarımızın təklif etdiyi məhsulların növ və çeşidliliyi daha da artdı və şəbəkənin adını “Kontakt Electronics” adına dəyişdik. 2013-cü ildə geniş elektronika və məişət texnikası kateqoriyalarının sırasına mebel kateqoriyası da əlavə olundu. Həmin ildən etibarən yerli və xarici brendlərin, həmçinin öz fabrikimizin istehsal etdiyi mebellər də mağazalarımızda satışa çıxarıldı. Bununla da “Home” konsepti tamamlanaraq, şəbəkənin adı “Kontakt Home” adına dəyişidirildi. Hazırda 30-dan çox beynəlxalq brendin rəsmi distribüteri olaraq Azərbaycan üzrə 31 mağaza və 1 online mağaza ilə xidmət etməyə davam edirik.